Puisi Mebasa Bali
Tanpa
Tetujon
Rikala bulan purnama endag
Karasayang manah puniki tanpa tetujon
Kroda, jejeh, sedih........
Masikian ring hati
Tan sida kaucapang
Joh
di keneh tiang....
Ngentungang
rasa ring jadma lian
Nanging
rasa punika
Ngantun
ngrasuk mademang liang idupe
Cayan bulan purnama
Tan sida ngicalang
Rasa
sungsut kayun puniki
Napi iwang tiang.....
Wenten
Wenten api
Wenten toya
Wenten sane patut
Wenten sane iwang
Wenten suka
Wenten duka
Wenten becik
Wenten kaon
Rwa bineda setata medampingan
Kalaning dharma
Nyejer ring jagate
Kalaning punika
Suargane kapanggih
Sastra ring Jagat
Melajah waluya getih idupe
Membah tanpa pegatan
Wit maari – ari
Nyantos mewali ring Sang Pramakawi
Sastra kadi
segara tanpa tepi
Tan telas antuk
galah
Yening
iraga lali
Ngranayang
tatu ring idupe
Tan sida
kaubadin
Baan balian
sakti
Katambanin
olih betara
Wantah
asiki tambanyane
Mulat sarira
laksanayang
Peteng Lemah Gumi
Peteng
Sepi tanpa
suara
Anake tan
eling ring raga
Pangipian
setata manimpalin
Mangipi
bungah
Pakacihna
becik
Makardi anak makenyem bagia
Rikala
surya endag
Tatkala
peteng
Cayan Sang
Hyang Candra
Nerangin
jagat
Ngicalang
rasa jejeh
Pinaka bayu
ring panjak
Sane nyungkan
pikayun
Jagat Bali
Dharma sane
mautama
Medasar antuk
agama lan sastra
Yadnya sakadi jiwa jagat Bali
Kalaksanayang
saban rahina
Manah
Wacana
Laksana
Nganutin Tri Kaya Parisudha
Pratingkah
tan keni gegodan kala..
Yadnya…
Yadnya
mautama ring jagat Bali..
Komentar