Basa Alus lan Tata Kruna

-


#Sukra, 19 September 2008
“Sor Singgih Basa Bali”
Malarapan antuk rasa basan ipun Basa Bali. Kruna-kruna basa Bali kakepah dados 3 paos inggih punika:
1.     Kruna Alus
Kruna alus kaperang dados:
a.     Kruna Alus Sor (ASO): inggih punika kruna sane kanggén ngasorang rage utawi sane patut kasorang. Upami: padem, mapajar (ngorahin), ngewehin.

b.      Kruna Alus Madya (AMA)
1)      Kruna Alus Madya sane gumanti rasa basan ipun madya. Upami: sirep, ngajeng, sirah miwah sane tiosan.
2)      Kruna Alus Madya sane ngawit punggelang kruna alus tiosan.
Upami:
·         Puniki à niki (alus madya wit saking puniki)
·         Punika à nika
·         Sampun à ampun
·         Nenten à ten

c.      Kruna Alus Mider (AMI)
Inggih punika kruna alus sane dados kaanggén ngasorang sane patut kasorang miwah nyinggihang sane patut kasinggihang. Upami: rauh, éling, jinah, pacing miwah sane tiosan.

d.      Kruna Alus Singgih (ASI)
Inggih punika kruna sane kaanggén nyinggihang sane patut kasinggihang. Upami: séda, mobot, ngicén, mireng miwah sane tiosan.

2.      Kruna Mider
Inggih punika kruna sane nenten madué rasa basa mabinaan (netral). Upami: kija, bunter, gilik, katik, lanying miwah sane tiosan.

3.     Kruna Kasar
Kakepah dados kalih paos inggih punika:
a.     Kruna Kasar Sopan
Upami: madaar, teka, mesaré miwah sane tiosan.
b.      Kruna Kasar sane Neten Sopan
Upami: ngamah, medem miwah sane tiosan.

Basa Alus Wasta Busana miwah payas:
1.       Panganggo: pangangge
2.       Udeng: destar
3.       Cerik, ambed, anteng: selendang
4.       Sabuk: petet
5.       Klambi, baju: kuaca
6.       Tapih: sinjang
7.       Kancut: lelancingan
8.       Suah: sisir
9.       Payas gidat: srinata
10.   Subeng: sengkang
11.   Kacamata: kasna
12.   Pupur: wedak
13.   Bungkung: ali-ali
14.   Cawet: suwar
15.   Sandal: slumpah
16.   Gelem: sungkan
17.   Magae: makarya
18.   Ngomong: ngandika
19.   Sepanan: gelisan
20.   Ngaba arit: makta sabit
21.   Keset: beseg
22.   Inguh: osek
23.   Ngipi: nyempena
24.   Meju: makoratan
25.   Caratan: cecepan
26.   Natah: nataran
27.   Mapi-mapi: nyapakadiaku
28.   Usehan: useran
29.   Kutu: kepetan
30.   Alis: rarik

#Sukra, 26 September 2008
“Tata Kruna”

1.      Kruna Dwi Sama Lingga
Inggih punika kruna lingga kaping kalihang nanging yan ucapang apisan sampun madué arti/magading arti.
Upami: gede-gede, cenik-cenik, tegeh-tegeh

2.     Kruna Dwi Maya Lingga
Kruna lingga sane kaping kalihang nanging yan ucapang ping pisan durung madaging arti.
Upami: kupu-kupu, katang-katang, kunang-kunamg

3.     Kruna Dwi Samatra Lingga
Suara ring ungkur krunané sane pinih ajeng kagentosang antuk suara/vocal a
Upami: tundik-tundik à tundak-tundik; dengok-dengok à dengak-dengok

4.     Kruna Satma (Saatma)
Kruna sane mawit saking kalih kruna lingga mabinaan arti nanging sampun kajangkepang jagi maarti asiki.
Upami: kancing baju, biu kayu, pis bolong miwah sane tiosan.

Komentar

Posting Komentar

Postingan populer dari blog ini

“Puisi Bali Anyar”

-
#Sukra, 30 Januari 2009 Bentuk Puisi Bali Anyar pateh sakadi puisi ring Bahasa Indonesia. Puisi Bali Anyar kaikat antuk wirama (irama), wirasa (imajinasi) miwah kosa basa. Y é ning kawac én utawi didéklamasikan mawirasa sarat pikenoh (perasaan) miwah mimic sane patut mangdené polih nguripin tetuek napi sane wénten ring puisi punika manut kadi pangarsan sang pangawi. Sarana sane kaanggén nyurat Puisi Bali Anyar inggih punika: 1.       Murda Ring sajeroning ngwac én murda ring Puisi Bali Anyar sapatutnyané sampun wénten bayangan utawi nentuang napi sane kacaritayang olih sang pangawi napiké indik genah, indik imanusa, indik kahanan miwah sane lianan. 2.       Unteng, Suksma utawi Tetuek (tema) Risampune nyurat Puisi Bali Anyar punika iraga mautsaha nanggepin tetuek napi sane kacaritayang olih sang pangwac én minakadi, indik pendidikan agama, adat, nasehat, gambaran masyarakat, kepahlawanan miwah sane tiosan. 3.  ...
Baca selengkapnya

“Drama”

-
#Sukra, 20 Februari 2009 Kruna drama mawit saking kruna Drau (Bahasa Yunani) sane maartos tingkah/pratingkah. Tingkah miwah pratingkah punika marupa konsep dasar sane kaanggen ngwangun drama puniki. Drama ngranjing ring sajeroning kesusastraan santukan makeh reriptayang susastra marupa babon/induk tontonan sane mawasta drama punika. Drama ring sajeroning tontonan inggih punika tontonan sane kasolahang ring panggung é malarapan antuk sarana sastra drama punika. Parinama lelampahan maartos pateh ring drama, pertunjukan, lakon, pentas miwah teater. Lelampahan wiadin drama Bali tan tios ring karya seni sastra Bali sane prasida kasinayang dados tontonan. Lelampahan utawi drama Bali punika prasida kapalih dados kalih soroh inggih punika: 1.       Drama Bali Purwa Drama Bali Purwa medasar antuk sarana tradisi Bali taler kawastanin Drama Klasik, saranan é malarapan antuk: ·          Nenten ngangg é naskah ·  ...
Baca selengkapnya